ئیقامەی کەسی پسپۆڕ (§ 18a و § 18b): کار بە بڕوانامەی Ausbildung یان زانکۆ

• بڕوانامە پیشەییەکەت دەبێت لە ئەڵمانیا Anerkennung کرابێت، یان بڕوانامەی زانکۆکەت یەکسانی بڕوانامەی ئەڵمانی بێت.
• ئەگەر بڕوانامەکەت هێشتا بە تەواوی نەناسراوە، ڕێگاکەی § 16dە (بابەتی جیامان هەیە).

• لە ساڵی ٢٠٢٤ەوە بەم ئیقامەیە هەر کارێکی پسپۆڕی (qualifizierte Beschäftigung) ڕێگەپێدراوە، نەک تەنها کارێک کە ڕێک وەک بوارەکەتە.
• زۆرجار ڕەزامەندیی Bundesagentur für Arbeit پێویستە: مەرجەکانی کارەکەت دەبێت وەک هاوکارە ئەڵمانییەکان بێت.

ئەگەر یەکەم جارە ئەم ئیقامەیە وەردەگریت و تەمەنت سەروو ٤٥ ساڵە، مووچەکەت دەبێت لانیکەم ٥٥٬٧٧٠ یۆرۆ لە ساڵێکدا بێت (ژمارەی ٢٠٢٦)، یان دەبێت پیشانی بدەیت کە بۆ خانەنشینی پاشەکەوتی پێویستت هەیە.

ئەگەر بڕوانامەی فەرمیی وڵاتی خۆتت هەیە و لانیکەم دوو ساڵ ئەزموونی کار لە پێنج ساڵی ڕابردوودا، بە مووچەی لانیکەم ٤٥٬٦٣٠ یۆرۆ لە ساڵدا (٢٠٢٦) یان گرێبەستی Tarif، بێ ناساندنی تەواوی بڕوانامەش دەتوانیت کار بکەیت.

• دوای سێ ساڵ بەم ئیقامەیە
• ٣٦ مانگ بیمەی خانەنشینی دراو
• زمانی B1
• ئەگەر Ausbildung یان زانکۆت لە ئەڵمانیا تەواو کردووە: دوو ساڵ و ٢٤ مانگ بیمە بەسە.

• Spurwechsel: ئەگەر پێش ٢٩ی مارسی ٢٠٢٣ هاتوویتە ئەڵمانیا و دۆسیەی پەنابەرییەکەت هێشتا بە کۆتایی ڕەت نەکراوەتەوە، دەتوانیت داوای پەنابەری بکشێنیتەوە و ئیقامەی § 18a، § 18b یان § 19c Abs. 2 وەربگریت.
• گرنگ: داواکاریی پەنابەری لای BAMF دەکشێنرێتەوە، نەک سکاڵای دادگا. سەرەتا داوای ئیقامە بکە، دواتر بیکشێنەوە.
• ئەم کارە مەترسیی هەیە. پێشتر حەتمەن قسە لەگەڵ ڕاوێژکاری یاسایی بکە.

زۆر کەس پێیان وایە هەر بڕوانامەیەک خۆکار قبووڵە. بێ Anerkennung یان یەکسانبوون، § 18a و § 18b مومکین نییە.