سنووری شوێنی نیشتەجێبوون (Wohnsitzauflage): لە کوێ بژیت؟

• ئەوانەی پاراستنی نێودەوڵەتییان وەرگرتووە (پەنابەری ژنێڤ یان پاراستنی لاوەکی).
• ئەوانەی یەکەم ئیقامەیان بەپێی § 22، § 23، § 24 یان § 25 Abs. 3 دەرکراوە.

• دەبێت سێ ساڵ لە کاتی ناسینەوە یان دەرکردنی ئیقامەوە، لە هەمان هەرێم (Bundesland) بژیت کە دۆسیەی پەنابەرییەکەت لەوێ بووە.
• هەندێک هەرێم تەنانەت شار یان قەزایەکی دیاریکراوت بۆ دیاری دەکەن.
• ئەگەر یاساکە جێبەجێ نەکەیت، ئەم سێ ساڵە درێژتر دەبێتەوە.

ئەگەر خۆت، هاوسەرەکەت یان منداڵی ژێر ١٨ ساڵت:

• کاری بە بیمە لانیکەم ١٥ کاتژمێر لە هەفتەیەکدا هەبێت کە داهاتەکەی لانیکەم بە ئەندازەی پێویستیی کەسێک بێت بەپێی یاسای Jobcenter.
• Ausbildung یان زانکۆ دەست پێبکەیت.
• لە خولی ئینتیگراسیۆن، خولی زمانی پیشەیی یان خولی پێویست بۆ ناساندنی بڕوانامە بیت و لە شوێنی ئێستا مومکین نەبێت.

دەتوانیت داوا بکەیت سنوورەکە هەڵبگیرێت، بۆ نموونە:

• لە شارێکی تر کار، شوێنی Ausbildung یان زانکۆت هەیە.
• هاوسەر یان منداڵی ژێر ١٨ ساڵت لە شوێنێکی تر دەژی.
• بۆ ڕێگریکردن لە سەختیی زۆر (Härtefall).

• Residenzpflicht (§ 56 AsylG) پەیوەندی بە ماوەی دۆسیەی پەنابەرییەوە هەیە و دەڵێت بۆ کوێ ڕێگەی چوونت هەیە.
• Wohnsitzauflage دوای وەرگرتنی ئیقامەیە و دەڵێت لە کوێ دەبێت بژیت؛ گەشتکردن قەدەغە ناکات.