ڕێگەپێدانی کار: بە چ بەڵگەیەک دەتوانیت کار بکەیت؟

• Erwerbstätigkeit erlaubt یان gestattet: کاری فەرمانبەری و کاری سەربەخۆ (selbstständig) هەردووکیان ڕێگەپێدراون.
• Beschäftigung erlaubt: تەنها کاری فەرمانبەری، کاری سەربەخۆ نا.
• Beschäftigung nur mit Erlaubnis der Ausländerbehörde: پێش دەستپێکردنی کار دەبێت ڕێگە وەربگریت.
• Erwerbstätigkeit nicht gestattet: کار قەدەغەیە.

• تا کاتێک ناچاریت لە کەمپی سەرەتایی (Aufnahmeeinrichtung) بژیت، کار لە بنەڕەتدا قەدەغەیە؛ بەڵام سێ مانگ دوای تۆمارکردنی داوای پەنابەری دەتوانیت ڕێگەی کار وەربگریت، ئەگەر دۆسیەکەت هێشتا کراوەیە.
• لە دەرەوەی کەمپیش زۆرجار دوای سێ مانگ ڕێگەی کار مومکینە.
• لە دۆسیەکانی دوبلین ئەم ماوەیە شەش مانگە.
• بۆ خەڵکی وڵاتە ئارامەکان یان کەسانێک کە دۆسیەکەیان بە ڕێگای خێرا دەپشکنرێت، کار قەدەغەیە.

• بۆ کار دەبێت لە Ausländerbehörde ڕێگە وەربگریت.
• ئەگەر Duldungەکەت جۆری § 60b بێت (ناسنامەی نادیار)، کار قەدەغەیە.
• کاری سەربەخۆ بە Duldung ڕێگەپێنەدراوە.

• پێشنیاری کار یان گرێبەست لە خاوەنکار وەربگرە.
• فۆرمی «Stellenbeschreibung» خاوەنکار پڕی دەکاتەوە.
• هەمووی بدە بە Ausländerbehörde. زۆرجار فەرمانگەی کاریش (Bundesagentur für Arbeit) دەبێت ڕازی بێت.

بێ ڕێگەپێدان کار مەکە. کاری بێ ڕێگە دەتوانێت بۆ ئیقامەکانی داهاتوو وەک § 25b یان Duldungی کار کێشە دروست بکات.